2017 оны 02 дугаар сарын 07-ны өдөр Эрүүл мэнд, нийгмийн даатгалын ерөнхий газрын Эрүүл мэндийн даатгалын бодлогын хэрэгжилтийн газрын хурлын танхимд элэгний С вирусын оношилгоо, шинжилгээ хийх хүсэлтэй хувийн хэвшлийн лабораторуудтай уулзалт зохион байгууллаа. Уулзалтад Эрүүл мэнд, нийгмийн даатгалын ерөнхий газрын тэргүүн дэд дарга Ч.Алтанхуяг, Эрүүл мэндийн даатгалын бодлогын хэрэгжилтийн газрын дарга И.Энхбат, Монголын лабораторийн нэгдсэн сүлжээний Удирдах зөвлөлийн төлөөлөл, лабораторуудын төлөөлөл оролцлоо.Уулзалтанд оролцогч лабораторууд элэгний С вирусын оношилгоо, шинжилгээ хийх сонгон шалгаруулалтанд оролцох хүсэлтээ илэрхийллээ.